ავტოსპორტში მთავარია გამარჯვება, მაგრამ უმთავრესია რბოლა ეკოლოგიურად სუფთა მომავლის შესაქმნელად. წარმოგიდგენთ წყალბადზე მომუშავე GR H2 რბოლის კონცეფციას მომავლის მძღოლებისთვის.
GR H2 რბოლის კონცეფცია – რბოლის მომავალი
GR H2 რბოლის კონცეფცია მომავალში ეკოლოგიურად უფრო სუფთა რბოლის ავტომობილის შექმნას გულისხმობს. წყალბადზე მომუშავე ძრავა და მძლავრი ჰიბრიდული სისტემა - ეს არის ორი ტექნოლოგიის კომბინაცია, რომლის წარმოებაშიც Toyota-ს მოწინავე ადგილი უკავია. მიზანი შემდეგია: მიღწეულ იქნეს ნულოვანი გამონაბოლქვის დონე და ეს არ უნდა მოხდეს ავტოსპორტში სიჩქარის და ეფექტურობის კუთხით კომპრომისის ხარჯზე.
წყალბადის ძალის გამოყენება
ლეგენდარული "ლე-მანის 24 საათი" რბოლისას წარმოდგენილი GR H2 რბოლის კონცეფცია შეიქმნა ACO-ს გადაწყვეტილების პასუხად - დაეშვათ წყალბადის ძრავზე მომუშავე ავტომობილების მონაწილეობა წყალბადის კატეგორიის რბოლაში, საწვავის ელემენტიან ელექტრომობილებთან ერთად. ამ ეკოლოგიურად სუფთა ტექნოლოგიებისკენ სწრაფვამ საფუძველი ჩაუყარა GR H2 რბოლის კონცეფციას - სუფთა წყალბადის ენერგიის პოტენციალის რეალიზების სურვილს.
Toyota და წყალბადი - მტკიცე ვალდებულება
Toyota კარგად აცნობიერებდა რბოლასთან დაკავშირებული კვლევის და განვითარების საჭიროებას, ამიტომ 2021 წლიდან აქტიურად არის ჩართული ავტოსპორტისთვის წყალბადის ენერგიის განვითარების საქმეში. იგი აფინანსებს წყალბადის ძრავზე მომუშავე Corolla-ს იაპონიის Super Taikyu-ს რბოლისთვის, იყენებს პლატფორმას ძრავის კონცეფციის დასახვეწად და პარტნიორებთან სათანამშრომლოდ ავტოსპორტში თუ მის ფარგლებს მიღმა. და რა არის მიზანი? - სუფთა ენერგიის ტექნოლოგიის და ავტოსპორტში ეკოლოგიურად სუფთა გარემოს ჩამოყალიბების ხელშეწყობა.
ხედვა, რომელიც საზღვრებს სცდება
GR H2 სარბოლო კონცეფცია წარმოადგენს მოწინავე ინოვაციური ტექნოლოგიებით გაჯერებულ კონცეფციას. სიგრძეში ის 5100 მმ-ია, რომელიც უფრო მოცულობითია მის კონკურენტ Toyota WEC-ის GR010 HYBRID წყალბადის კონცეფციაზე, სიგანეში კი დაახლოებით იგივე - 2050 მმ-ია. მისი ძრავა აერთიანებს წყალბადის ძრავს და მოწინავე ჰიბრიდულ სისტემას, რომელიც ხაზს უსვამს ეკოლოგიურად სუფთა და მიმზიდველი ენერგიის წყაროს პოტენციალს მომავლის სარბოლო ავტომობილებისთვის.
ავტოსპორტის ნახშირბად-ნეიტრალური მომავალი
Toyota ვალდებულებას იღებს თავისი წვლილი შეიტანოს ნახშირბადისგან სუფთა გარემოს ჩამოყალიბებაში. ამის დასტურია GR H2 რბოლის კონცეფცია - "ნულს მიღმა" ამბიციის მიმზიდველი პროდუქტი უფრო სუფთა და უსაფრთხო მომავლისთვის. Toyota მოხარულია, რომ აქვს შესაძლებლობა მონაწილეობა მიიღოს "ლე-მანის 24 საათის" რბოლის ავტომობილების ახალი თაობის შექმნაში. Toyota-ს ხელმძღვანელი აკიო ტოიოდა კარგად აცნობიერებს მიზანს - ავტოსპორტში მიღწეულ იქნეს ნახშირბად-ნეიტრალური დონე ისე, რომ შეჯიბრს არც ეფექტურობა და არც აზარტი არ მოაკლდეს.